اڈیالہ جیل منتقل نہیں ہونا چاہتا”، چیئرمین پی ٹی آئی عمران خان
ذرائع کے مطابق چیئرمین پی ٹی آئی نے اٹک سے اڈیالہ جیل منتقلی نہ کرنے کا عدالت کو بیان دے دیا۔ انہوں نے کہا کہ وہ اڈیالہ جیل منتقل نہیں ہونا چاہتے۔
چیئرمین پی ٹی آئی کے مطابق وہ اٹک جیل میں ایڈجسٹ ہو گئے ہیں اور اپنے وکلا سے کہیں گے کہ جیل منتقلی کی درخواست واپس لے لیں۔
خیال رہے کہ گزشتہ روز چیف جسٹس اسلام آباد ہائیکورٹ نے چیئرمین پی ٹی آئی کو اڈیالہ جیل منتقل کرنے کا حکم دیتے ہوئے کہا تھا کہ قانون کے مطابق اسلام آباد کے انڈر ٹرائل قیدیوں کو اڈیالہ جیل میں رکھا جاتا ہے۔
چیف جسٹس نے کہا تھا کہ چیئرمین پی ٹی آئی سابق وزیراعظم اور ایک پڑھے لکھے شخص ہیں، کل کو آپ انہیں رحیم یار خان بھجوا دیں پھر؟ اگر کل رحیم یار خان منتقل کر دیا جاتا ہے تو ٹرائل وہاں کرینگے؟
